AF222a: 87v

maṭlab bāb‑i sābiʿ bevāsirüñ [!] keyfīyetin ve tedbīrüñ [!] bildürür // ve ʿilācın daḫı bildürür rīḥ‑i bevāsir [!] dėdükleri ġalīẓ yėldür ki bevāsir [!] sevdāsından // olur gėc [!] taḥlīl olur qulunc aġrısı gibi bāṭında sancu olur gāh baġrına // gāh gögsine gāh boynına çıqar gāh göbegüñ burudur şöyle ki insānuñ qarāruñ [!] giderür // kişinüñ içi qarāqır ṭolar ve gāh olur ki mes̱āneye ve ḫuṣya[ta]yna ve ẕekerine iner ve gāh // olur ki qarnı qabż olur dizleri aġrudur ve mefāṣīl [!] aġrısın iḥdās̱ // eyler şöyle ki duracaq ve oturacaq yėr bulmayup oturıcaq ve durıcaq // zamānda mefāṣīlleri [!] çatlar ve gāh olur ki zeḥīr olur veyā ishāl‑i dem eyler // ve cimāʿ quvvetin qatı żaʿīf ėder ve cimāʿ leẕẕetin giderür ve bu marīżüñ ʿilācı // bevāsir [!] ʿilācı gibidür ve tedbīri bevāsir [!] tedbīri gibidür müshil sevdā içmek gerek // yėli taḥlīl ėder meʿācin [!] ve edvīye istiʿmāl ėtmek gerek ve mütevātir sükkerden // ve ekşi şeyʾlerden ve ṣoʾuq ṣu‑yile istincā ėtmekden ve ṣoʾuq ṭaş üstine // oturmaqdan ve neffāḥ [!] nesneleri yėmekden gey ṣaqınmaq gerek ve bu maraża fāʾide // ve żarar ėder nesneleri bilmek ve dāyimā aq günlük ıṣladub ṣuyını ṣu yėrine // içmek ve ṣaqızı daḫı qaynadub ṣuyın ṣovudub ṣu yėrine içmek // iñen eyüdür ve bir direm ṣaqız iki direm şekerle dögüp qarışdurup // yėmek eyüdür yėli taḥlīl ėder ve ṭabīʿatı telyīn ėder nāfiʿdür ve müfīddür // bi‑fażli llāhi taʿālā